Celébrase o Seminario de creación e mellora de proxectos para o desenvolvemento de servizos turísticos de calidade en Galicia
A Secretaria Xeral para o Turismo, o Igape e Agader celebraron un seminario en conxunto para explicar as posibilidades de financiamento que están dispoñibles para as empresas.
Durante os días 12, 13, 14, 20 e 21 de outubro celebráronse os seminarios de creación e mellora de proxectos para o desenvolvemento de servizos turísticos de calidade en cada unha da zona piloto. O obxectivo foi presentar, aos interesados no proxecto Cantata 2, as ferramentas de financiamento dispoñibles para a creación e mellora de establecementos relacionados co proxecto. Nos seminarios participaron técnicos de Agader, xefas dos Servizos Territoriais de Turismo de Lugo e Ourense, técnicos do Igape e de Agader.
Os participantes puideron coñecer todas as liñas abertas e pendentes de convocatoria. A exposición foi adaptada ás inquietudes do persoal interesado.
Fonte: Agader
